Երեքշաբթի, 23 հուլիսի, 2024 թ.
|
Ստեփանակերտում`   +29 °C

«ՆԱՏՕ-ի երկրները չեն սահմանափակել Ուկրաինայի կողմից զենքի կիրառումը»․ Սթոլթենբերգ

«ՆԱՏՕ-ի երկրները չեն սահմանափակել Ուկրաինայի կողմից զենքի կիրառումը»․ Սթոլթենբերգ
1296
Ուրբաթ, 31 մայիսի, 2024 թ., 10:54

Հյուսիսատլանտյան դաշինքի մի շարք երկրներ, ներառյալ՝ Մեծ Բրիտանիան, երբեք սահմանափակումներ չեն սահմանել Կիևին մատակարարվող զենքի օգտագործման դեմ՝ Ռուսաստանի տարածքին հարվածելու համար։ Այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը։

«Մեծ Բրիտանիան երբեք չի սահմանափակել Storm Shadow հրթիռներով Ռուսաստանի տարածքին հարվածելու հնարավորությունը»,- Պրահայում ՆԱՏՕ-ի երկրների արտգործնախարարների հանդիպումից առաջ հայտարարել է Սթոլթենբերգը։

Ura.ru-ի հաղորդմամբ՝ Դանիան միացել է այն պետությունների ցանկին, որոնք Ուկրաինային թույլ են տվել արևմտյան սպառազինությունն օգտագործել Ռուսաստանին հարվածելու համար: Կոպենհագենը Կիևին կանաչ լույս է տվել իր F-16 կործանիչների կիրառման հարցում։ Դանիայից բացի, ՌԴ-ի դեմ հարձակումներին աջակցում է ևս 12 երկիր:

Ավելի վաղ Փենթագոնը հաստատել է, որ ԱՄՆ-ն թույլատրել է իր զենքն օգտագործել Ռուսաստանի դեմ։