Լույս` 25 տարվա անպտղությունից հետո

7845

Երկուշաբթի, 26 օգոստոսի, 2024 թ., 23:00

Ինչպես օրեր առաջ հայտնել ենք, որովայնի շրջանում սաստիկ ցավերով հիվանդանոց գնացած 47-ամյա Գայանեն բժշկից է իմացել, որ հղի է, ու երեխան մի քանի ժամից կծնվի: 25 տարի անպտղության դեմ պայքարող ամուսիններն անակնկալի են եկել՝ ինչպե՞ս:

«Ազատության» ռեպորտաժում նորաթուխ մայրիկը պատմում է, որ հղիությանը բնորոշ զգացողություններ, ցավեր չի ունեցել, եղածն էլ վերագրել է դաշտանադադարի փուլին:

Հայրն էլ խոստովանում է՝ գիշերներն անգամ չի քնում, անդադար երեխային է նայում՝ հանկարծ մի բանի կարիք չունենա, չլացի: Թեև երեխան արդեն մի ամիս է՝ ծնողների կյանքի լույսն է դարձել, բայց նրանք դեռ չեն հավատում իրենց հետ տեղի ունեցած հրաշքին:

Առավել մանրամասն՝ տեսանյութում: