Սաուդյան Արաբիայում ձյուն է տեղացել

Սաուդյան Արաբիայի մի շարք շրջաններում շարունակվում են հորդառատ անձրևները՝ ամպրոպով և կարկուտով, տեղ-տեղ նաև ձյուն է տեղացել։

Սաուդյան Արաբիայի քաղաքացիական պաշտպանության գլխավոր վարչությունը եղանակային նախազգուշացում է տվել և քաղաքացիներին խորհուրդ է տվել նախազգուշական միջոցներ ձեռնարկել, քանի որ հորդառատ անձրևները սպասվում են մինչև երկուշաբթի, հաղորդում է The Gulf News-ը:

Նշվում է, որ Սաուդյան Արաբիայի հյուսիսային սահմանային շրջաններում նոյեմբերի 2-ին սկսվել են հորդառատ անձրևներ և ամպրոպներ, որոնցից ամենաուժեղը եղել է Ռաֆհայի նահանգում և նրա հարակից շրջաններում։