«Փաշինյանն ասել է, երբ ուզենաք, կարող եք մտնել»․ քաղաքացին փորձեց մտնել կառավարություն

«Համաձայն եմ, 20% կմուծեմ, եթե թոշակառուի դեղերը լինեն ձրի, բուժօգնությունը դառնա ձրի։ Մենք տուգանքի առարկա ենք, առավոտից այստեղ կանգնած ենք, մեկը չի գալիս հարցնի՝ ինչի՞ համար եք եկել»,- ասում է կառավարության շենքի դիմաց անցկացվող ակցիայի մասնակիցը։
Հիշեցնենք, որ տնտեսվարողներն առավոտից բողոքի ակցիա են իրականացնում՝ շրջհարկի բարձացման, համընդհանուր գույքագրման ու հայտարարագրման պահանջի դեմ։
Ակցիայի մասնակից տիկինը փորձեց մտնել կառավարության շենք՝ համոզված լինելով, որ իրեն չեն թողնելու ներս․

«Փաշինյանն ասել է, որ րոպեին ուզենաք կարող եք դուռը բացեք, մտնեք, եկեք փորձենք»,- ասաց նա՝ շարժվելով դեպի դուռը։ Կառավարության շենքի անվտանգությունն ապահովող ոստիկանները նրան թույլ չտվեցին մտնել՝ մատնացույց անելով Փաշինյանին դիմելու ընթացակարգը։