«Երկրի ներսում անտերության վիճակ է»․ Արա Արայան

Վերլուծաբան Արա Արայանի ֆեյսբուքյան գրառումը․ «Անկախության հռչակագրի մասին մանկապատանեկան քննարկումների ֆոնին, ռուսական ՄԻԳ ռազմական ինքնաթիռի մասնակցությամբ Երևանում տեղի է ունենում ճանապարհային վթար: Ինչպիսի սիմվոլիզմ:))
Մոդայիկ հակառուսականությունն ու արևմտամետությունը, ավանդական ռուսամոլության հետ միասին վաղուց նողկանքից բացի այլ էմոցիաներ չեն առաջացնում:
Լավ, վաղը արթնացանք, ռուսական ռազմաբազան չկա: Նորմալ է, ցանկալի է, որ երկրում օտար ռազմաբազաներ չպետք է լինեն:
Բայց ինչպե՞ս պիտի պաշտպանենք մեր երկիրը, ի՞նչ է առհասարակ անկախությունը:
Անկախությունը էմոցիոնալ մանկամիտ զրույցներով չի կերտվում: Անկախությունը սկսվում է յուրաքանչյուրի ընտանիքից, շքամուտքից, բակից, թաղից, գյուղից ու քաղաքից:
Այսինքն, պետության անկախության մակարդակը կախված է, ոչ թե արտաքին, այլ բացառապես ներքին գործոններից:
30 տարում մեր անկախության մակարդակը նույնիսկ 50 տոկոսով չենք իրագործել: Երկրի ներսում անտերության վիճակ է, մեր հասարակությունը ուրախանում ու խաբվում է 90-ականներին չտեսած սովորական բաներով, սուբվենցիոն ասֆալտով ու մի քանի կիսատ պռատ շինություններով:
Այս ամենը նույնիսկ գուբեռնիայի մակարդակ չունի, ի՞նչ անկախության հռչակագրից եք խոսում:
Երկրի առաջին դեմքը 2025 թվականին դեռ նոր է իր ու հասարակության համար բացահայտում սովետական քարոզչության հետևանքները:)
Բա 2018 թվին Պուտինին ասում էիր, որ Մայիսի 9 ի պառադ դիտել շատ ես սիրել:)
Մտածելու ունակ մարդիկ ֆեյսբուկում այդ թեմաների մասին խոսում էին դեռևս 15 տարի առաջ, դուք նո՞ր հասկացաք ու երկիրը տանում եք դեպի ինքնիշխանությո՞ւն:))
Ոչ, տասնապատիկ ջանասիրությամբ դեռ կրկին Սովետի ու Նոր Սովետի, ԵՏՄ ի գովքն եք անելու, մենք շատ շուտով դրա ականատեսն ենք լինելու»։