«Ջերմաստիճանի փոփոխության քարտեզագրումը՝ 1850-ից մինչև 2024 թվականը»․ Լևոն Ազիզյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը. «Ջերմաստիճանի փոփոխության քարտեզագրումը՝ 1850-ից մինչև 2024 թվականը:
Ռեդինգի համալսարանի Մթնոլորտային գիտության ազգային կենտրոնի պրոֆեսոր, կլիմայագետ, Կլիմայի փոփոխության հարցերով միջկառավարական հանձնաժողովի (IPCC) 6-րդ գնահատման հաշվետվության գլխավոր հեղինակ էդ Հոքինսը ներկայացրել է ջերմաստիճանի փոփոխության քարտեզագրման թարմացված տարբերակը ներառյալ 2024 թվականը: 175 քարտեզ՝ մեկական յուրաքանչյուր տարվա համար, որոնք ցույց են տալիս ավելի սառը (կապույտ) և ավելի տաք (կարմիր) տարածքները:
1980–ականներից ի վեր յուրաքանչյուր տասնամյակ ավելի տաք է, քան նախորդը։ 2020-2024 թվականները 2020-2030թթ տասնամյակում ամենատաքն են եղել և յուրաքանչյուր տարի գերազանցել է նախորդին»։