«Նախագահական ընտրությունները տեղի կունենան միայն հակամարտության ավարտից հետո»․ Զելենսկի

709

Չորեքշաբթի, 05 փետրվարի, 2025 թ., 10:38

Ուկրաինայում նախագահական ընտրությունները տեղի կունենան միայն Ռուսաստանի հետ զինված հակամարտության ավարտից հետո, հայտարարել է Ուկրաինայի ղեկավար Վլադիմիր Զելենսկին՝ բրիտանացի լրագրող Պիրս Մորգանին տված հարցազրույցում։

«Ես միշտ ասել եմ, որ բաց եմ ցանկացած ընտրությունների համար։ Բայց պատերազմի ժամանակ ընտրություններ չեն կարող լինել։ Թեժ փուլը կավարտվի, ռազմական դրությունը կչեղարկվի, ապա, բնականաբար, տեղի կունենան ընտրություններ»,- ասել է Զելենսկին։

Ավելի վաղ ԱՄՆ-ն Կիևին կոչ էր արել նախագահական և խորհրդարանական ընտրություններ անցկացնել մինչև 2025 թվականի ավարտը, հատկապես, եթե Ուկրաինան և Ռուսաստանը մոտակա ամիսներին համաձայնության հասնեն հրադադարի հարցում։