USAID-ի որոշ ծրագրեր կշարունակեն գործել․ Ռուբիո

949

Հինգշաբթի, 06 փետրվարի, 2025 թ., 13:14

ԱՄՆ պետքարտուղար Մարկո Ռուբիոն հայտնել է, որ ԱՄՆ Միջազգային զարգացման գործակալության (USAID) որոշ ծրագրեր կշարունակեն գործել:

Միաժամանակ ԱՄՆ պետքարտուղարը չի հստակեցրել, թե ո"ր ծրագրերն են զերծ մնալու աշխատանքը դադարեցնելու սահմանափակումներից։

«Մենք որոշեցինք վերանայել՝ ի՞նչ ծրագրեր ենք ֆինանսավորում ամբողջ աշխարհում: Ո՞ր ծրագրերն են մեզ ավելի ապահով, ուժեղ և բարեկեցիկ դարձնում: Նրանցից ո՞րն է համընկնում Միացյալ Նահանգների արտաքին քաղաքականության հետ, որի՞ն չպետք է մասնակցենք»,- ասել է դիվանագետը։

Հիշեցնենք, որ հունվարի 27-ին USAID-ի մամուլի ծառայությունը հայտարարել էր, որ գործակալությունը 90 օրով դադարեցրել է բոլոր ծրագրերի և նախագծերի ֆինանսավորումը:

Թրամփի վարչակազմը ԱՄՆ ՄԶԳ տասնյակ բարձրաստիճան պաշտոնյաների վարչական արձակուրդի է ուղարկել։