«Ով թաքնված ա եղել՝ արժանապատիվ ապրում ա, իսկ ով կռվել ա՝ չէ»․ ազատամարտիկ

191

Հինգշաբթի, 13 փետրվարի, 2025 թ., 14:24

Կառավարության շենքի դիմաց քաղաքացին պահանջում է թույլ տալ մտնել կառավարության շենք՝ ասելով, որ նամակ էր գրել Նիկոլ Փաշինյանին, որը երեկ խոստացել էին հանձնել Փաշինյանին, բայց չեն տվել. «Պատերազմի հաշմանդամ եմ՝ երրորդ կարգի: Ունեմ չորրորդ կարգի վթարային տուն: 2012 թվից տնից դուրս եմ եկել․․․ Նիկոլը խաբում ա, գումար չի հատկացնում: Նա ուզում է կռվածներին խեղճացնի: Ինքը լավ գիտի, որ իրեն տրորողները էդ տղերքն են: Միակ մարդը, որից վախենում ա Նիկոլը այսօր, որ իրեն իրոք կքերթեն, կհանեն, կռված տղերքն են: Դիմել եմ բոլոր տեղերը: Երեկ էլ նամակ եմ գրել, պահանջել եմ, որ գոնե տան վարձի փողը տան: Եկել եմ, չեն թողնում մտնեմ, ես էլ ուզում եմ ուժով մտնել»,- ասաց քաղաքացին՝ հավելելով. «Ով թաքնված ա եղել՝ արժանապատիվ ապրում ա, իսկ ով կռվել ա՝ չէ»: