«Շինծու գործերով մարդկանց լռեցնելու պրակտիկան պետք է դատապարտվի»․ Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը. «Իմ աջակցությունն եմ հայտնում Էդգար Ղազարյանին, ում դեմ ռեժիմը հերթական անգամ փորձում է քաղաքական հետապնդում իրականացնել։ Պարոն Ղազարյանի հետ առնչվել եմ մեկ անգամ՝ լայն կազմով բանավեճի շրջանակներում։ Չնայած քաղաքական հայացքներում որոշ հարցերում մեր անհամաձայնությանը՝ նա իմ վրա թողել է կրթված, դաստիարակված, հումորի զգացում ունեցող և սեփական համոզմունքների համար պայքարող մարդու տպավորություն։
Ռեժիմն այժմ նրան է ընտրել որպես հերթական «զոհ»։ Հրապարակային խոսքում ներկա իշխանությանը քննադատողները պետք է գիտակցեն, որ հաջորդ թիրախը կարող են լինել իրենք։ Շինծու գործերով մարդկանց լռեցնելու հակաժողովրդավարական պրակտիկան պետք է դատապարտվի և հանրային պարսավանքի ենթարկվի»։