«Ստամբուլում բանակցություններն ընթանում են շփումների զարգացման ուղղությամբ»․ Պեսկով

Ստամբուլում ՌԴ-ի և ԱՄՆ-ի պատվիրակությունների միջև բանակցություններն ընթանում են երկու երկրների միջև՝ արդեն իսկ տեղի ունեցած շփումների զարգացման ուղղությամբ: Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։

«Այս պահին Ստամբուլում փորձագիտական ​​մակարդակով հանդիպում է տեղի ունենում, մեր դիվանագետներն աշխատում են երկու նախագահների հեռախոսազրույցի և Էր Ռիադում տեղի ունեցած բանակցությունների ընթացքում ձեռք բերված պայմանավորվածությունների մշակման ուղղությամբ»,- նշել է Կրեմլի խոսնակը:

Ավելի վաղ հաղորդվել էր, որ Ստամբուլում ամերիկյան գլխավոր հյուպատոսի նստավայրում տեղի է ունենում Ռուսաստանի և ԱՄՆ պատվիրակությունների հանդիպումը, միջոցառմանը քննարկվում են դեսպանատների աշխատանքի վերականգնման վերաբերյալ հարցեր։