Ուրբաթ, 04 հուլիսի, 2025 թ.
|
Ստեփանակերտում`   +22 °C

«Լոնդոնում եվրոպացի առաջնորդները որոշեցին, որ պետք է ոչ թե խաղաղություն, այլ՝ պատերազմ»․ Օրբան

«Լոնդոնում եվրոպացի առաջնորդները որոշեցին, որ պետք է ոչ թե խաղաղություն, այլ՝ պատերազմ»․ Օրբան
659
Երկուշաբթի, 03 մարտի, 2025 թ., 18:32

Ուկրաինայի դաշնակիցները մարտի 2-ին Լոնդոնում կայացած գագաթնաժողովի ժամանակ վտանգավոր և սխալ ընտրություն կատարեցին՝ աջակցելու ռազմական հակամարտությանը, այլ ոչ թե դրա դադարեցմանը, Facebook-ում հայտնել է Հունգարիայի վարչապետ Վիկտոր Օրբանը։

«Լոնդոնում եվրոպացի առաջնորդները որոշեցին, որ պետք է ոչ թե խաղաղություն, այլ՝ պատերազմ: Նրանք գտնում են, որ Ուկրաինան պետք է շարունակի պատերազմել։ Սա ճիշտ չէ, սխալական ​​ու վտանգավոր մոտեցում է»,- գրել է նա։

Օրբանը նաև վերահաստատել է, որ Հունգարիան «մնում է խաղաղության կողմնակից»։

Հիշեցնենք, որ Մեծ Բրիտանիայի վարչապետ Քիր Սթարմերն Ուկրաինայի և Ամերիկայի նախագահներ Վլադիմիր Զելենսկու և Դոնալդ Թրամփի լեզվակռվից հետո հրավիրել էր Ուկրաինայի դաշնակիցների արտակարգ գագաթնաժողով՝ Կիևի և Վաշինգթոնի միջև լարվածության սրման ֆոնին։