Վենսը ստիպված էր ընդհատել արձակուրդը ուկրաինամետ ցուցարարների պատճառով․ #NYP

746

Երկուշաբթի, 03 մարտի, 2025 թ., 12:38

ԱՄՆ փոխնախագահ Ջեյ Դի Վենսը ստիպված էր ընդհատել արձակուրդը Վերմոնտի լեռնադահուկային հանգստավայրում՝ ուկրաինամետ ակտիվիստների բողոքի ակցիայի պատճառով, հայտնում է The New York Post-ը (NYP):

Ավելի վաղ հաղորդվել էր, որ ցուցարարները հավաքվել են հանգստավայրի ճանապարհին, որտեղ ժամանել է Վենսի ընտանիքը: Ցուցարարները, «ազգային խայտառակություն» գրությամբ ցուցանակներով, փոխնախագահին մեղադրել են «դավաճանության» մեջ և կոչ արել «դահուկներով սահել Ռուսաստանում»։

Վենսի ընտանիքը ստիպված է եղել կրճատել չորսօրյա ուղևորությունը՝ հեռանալով «գաղտնի վայր»:

Հիշեցնենք, որ փետրվարի 28-ին Սպիտակ տանը Վլադիմիր Զելենսկու և Դոնալդ Թրամփի միջև ծագած վիճաբանությունից հետո, Թրամփը Զելենսկուն մեղադրել էր ԱՄՆ-ի նկատմամբ անհարգալից վերաբերմունքի մեջ, իսկ Վենսը նշել էր, որ Զելենսկին մոռացել է Վաշինգթոնին շնորհակալություն հայտնել՝ Կիևին ցուցաբերած աջակցության համար։