«Դուք գործարա՞ր եք, թե՝ ընդդիմադիր գործիչ»․ Գևորգ Պապոյանը ներս հրավիրեց տնտեսվարողներին

Շրջհարկի բարձրացման դեմ ակցիա իրականացնող տնտեսվարողները Կառավարության շենքի դիմացից երթով հասան Էկոնոմիկայի նախարարություն։ Նրանց կոչով նախարար Գևորգ Պապոյանը ներքև իջավ և առաջարկեց ներս անցնել․ «Էդ ներս՝ արդեն 10 անգամ անցել ենք, բոլորի հետ խոսել ենք, բոլորին տեսել ենք»,- ասացին տնտեսվարողները։ «Հիմա դուք գործարա՞ր եք, թե՝ ընդդիմադիր գործիչ։ Ընդդիմադիր գործիչները թող մնան այստեղ՝ ցույց անեն, ով գործարար է, գնանք ներսում քննարկենք»,- ասաց Պապոյանը։ «Բոլորս ներս ենք գալիս»,- պատասխանեցին ակցիայի մասնակցիները։