««Նյութի և հոգևորի» վճռական ճակատամարտն է մոտենում». Սևակ Խաչատրյան

Վաղարշապատի ավագանու «Էջմիածին» խմբակցության ղեկավար Սևակ Խաչատրյանի ֆեյսբուքյան գրառումը․ «Բազմիցս ենք լսել հորդորներ ու կոչեր, որ պետք է Եկեղեցին ղողանջի զանգերը: Եթե մեզ զանգի ղողանջ է պետք միաբանվելու և չարիքի իշխանությանը վտարելու համար, ուրեմն մենք արդեն պարտվել ենք «նյութի և հոգևորի» պատերազմում:
«Նյութի և հոգևորի» վճռական ճակատամարտն է մոտենում, որից անդին այլևս հստակ կլինի՝ կարժանանա՞նք սերունդների նզովքին ու անեծքին, թե՞, վերջիվերջո, մենք, նախ, ինքներս մեզ, հետո մեր ներքին թշնամուն կապացուցենք, որ հայի ոգին քրիստոնեացված է այսօր, վաղը և հավիտյանս հավիտենից:
Վերահաս այդ հոգևորի պատերազմում մենք, պարզապես, պարտվելու իրավունք չունենք, քանի որ դրանից այն կողմ դարավոր խավարը կկլանի Հայաստանը, և հարց է այլևս՝ կարժանանա՞նք մենք Աստծո բարեգթությանը, թե՞ կկորչենք որպես ազգ, ով առաջինը հեռացավ Քրիստոսից»: