Իտալիան հրաժարվել է զորք ուղարկել Ուկրաինա

Իտալիայի վարչապետ Ջորջիա Մելոնին հայտարարել է, որ մերժել է Ֆրանսիայի և Մեծ Բրիտանիայի առաջարկը՝ որպես եվրոպական ուժերի մաս իտալական զորակազմ ուղարկել Ուկրաինա:
«Իմ կարծիքով, դա շատ դժվար է իրականացնել, ես վստահ չեմ դրա արդյունավետության վրա, այդ իսկ պատճառով մենք ասացինք, որ իտալացի զինվորներ չենք ուղարկելու Ուկրաինա»,- ասել է երկրի վարչապետը՝ Rai1 հեռուստաալիքի եթերում։

«Ի վերջո, բոլորն ունեն նույն նպատակը՝ Ուկրաինայում ապահովել արդար, կայուն և տևական խաղաղություն, ես կասեի՝ վերջնական խաղաղություն: Ուստի առանցքային հարցն այն է, թե ինչպես կառուցել խաղաղություն, որը կներառի անվտանգության երաշխիքներ Ուկրաինային»,- հավելել է Իտալիայի վարչապետը: