Ուրբաթ, 17 հոկտեմբերի, 2025 թ.
|
Ստեփանակերտում`   +12 °C

«Ուկրաինային պետք է խաղաղ համաձայնագիր, նա այլընտրանք չունի»․ Թրամփ

«Ուկրաինային պետք է խաղաղ համաձայնագիր, նա այլընտրանք չունի»․ Թրամփ
642
Ուրբաթ, 07 մարտի, 2025 թ., 10:38

Ուկրաինան ստիպված կլինի գնալ խաղաղ համաձայնագրի, քանի որ նա այլընտրանք չունի։ Այս մասին մարտի 6-ին հայտարարել է ԱՄՆ նախագահ Դոնալդ Թրամփը։

Լրագրողների հետ զրույցում նա ասել է, որ իր վարչակազմը վերջին օրերին «մեծ առաջընթաց» է գրանցել Ուկրաինայի և Ռուսաստանի հետ հարաբերություններում:

«Կարծում եմ, Ուկրաինան ցանկանում է համաձայնագիր կնքել, քանի որ չեմ կարծում, որ նրանք ընտրություն ունեն»,- ասել է Թրամփը։

Նա ընդգծել է, որ Ռուսաստանն իր հերթին «նույնպես համաձայնություն է ցանկանում»։

Ավելի վաղ՝ մարտի 5-ին, Թրամփը Քոնգրեսում իր ելույթի ժամանակ հայտնել էր, որ Ուկրաինայի նախագահը պատրաստ է հնարավորինս շուտ նստել բանակցությունների սեղանի շուրջ՝ երկարաժամկետ խաղաղության հասնելու համար։