Կիրակի, 22 փետրվարի, 2026 թ.
|
Ստեփանակերտում`   +7 °C

«Ռուսաստանը կարող է հակաքայլեր ձեռնարկել ԵՄ ռազմականացման դեմ»․ Պեսկով

«Ռուսաստանը կարող է հակաքայլեր ձեռնարկել ԵՄ ռազմականացման դեմ»․ Պեսկով
811
Ուրբաթ, 07 մարտի, 2025 թ., 15:03

Ռուսաստանին անհրաժեշտ կլինի արձագանքել ԵՄ-ի ռազմականացմանը՝ իր անվտանգությունն ապահովելու նպատակով։ Այս մասին ճեպազրույցում ասել է ՌԴ նախագահի մամուլի քարտուղար Դմիտրի Պեսկովը՝ ի պատասխան ՏԱՍՍ-ի հարցին։

«Մեր անվտանգությունն ապահովելու համար համապատասխան հակաքայլեր ձեռնարկելու անհրաժեշտություն կլինի»,- նշել է Կրեմլի խոսնակը։

«Եվրոմիությունն իրեն դիրքավորում է որպես Ռուսաստանի հակառակորդ, ուստի նրա ռազմականացման մասին քննարկումները կարող են անհանգստություն առաջացնել Մոսկվայում: Այս ամբողջ ռազմականացումը հիմնականում ՌԴ-ի դեմ է: Սա, իհարկե, կարող է մեզ համար խորը մտահոգության թեմա լինել»,- հավելել է Պեսկովը:

Հիշեցնենք, որ Եվրահանձնաժողովի նախագահ Ուրսուլա ֆոն դեր Լեյենը ԵՄ երկրներին առաջարկել էր 800 մլրդ եվրոյի վերազինման ծրագիր և ռազմական ծախսերի 1,5%-ով ավելացում։

Ըստ մամուլի հրապարակումների՝ ԵՀ-ի առաջարկը հավանության է արժանացել ԵՄ գագաթնաժողովում։