Չնայած հայտարարված զինադադարին` Սիրիայում գիշերը լարված է եղել

Սիրիայի նոր իշխանությունների և երկրում բնակվող քրդերի միջև համաձայնագրի ստորագրումից հետո Թուրքիան մի շարք օդային հարվածներ է հասցրել Սիրիայի հյուսիսում գտնվող Թիշրին ամբարտակի և Քարակոզակ կամրջի ուղղությամբ, որոնք վերահսկվում են քրդերի կողմից։

Քրդերը կարծում են, որ Անկարան հավանություն չի տալիս այս համաձայնագրին, որով քրդերը համաձայնել են միանալ երկրի անվտանգության ուժերին։

Այս գիշեր շարունակվել են նաև կառավարական ուժերի և դիմադրության միջև բախումները Տարտուսից հարավ՝ Լիբանանի հետ սահմանին։

Իսրայելը գիշերը ավելի քան 40 ավիահարված է հասցրել սիրիական Դարաա, Կունեյտրա և Դամասկոս նահանգների գյուղերին։ Հարձակման ժամանակ ոչնչացվել են զորանոցներ և հենակետեր։