«Կիևն ԱԹՍ-ներ է ուղարկել Մոսկվա՝ ԵԱՀԿ գլխավոր քարտուղարի այցի օրը»․ Զախարովա

Սա առաջին դեպքը չէ, երբ Կիևի ռեժիմն ԱԹՍ-ներ է ուղարկում Մոսկվա՝ բարձրաստիճան պատվիրակության այցի օրը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Դիվանագետը նշել է, որ Կիևն անօդաչու սարքեր է ուղարկել Մոսկվա՝ գիշերը, երբ ԵԱՀԿ գլխավոր քարտուղարը Մոսկվայում էր՝ «այն կազմակերպության ղեկավարը, որին Զելենսկու հովանավորները հասցրել են միայն հայտարարություններով սահմանափակվող հաստատության մակարդակի՝ զրկելով իր նշանակությունից՝ Եվրոպայում անվտանգության և համագործակցության ապահովումից», գրել է նա՝ Telegram ալիքում։

Ավելի վաղ ՌԴ ՊՆ-ն հայտնել էր, որ գիշերը Մոսկվայի շրջանում ոչնչացվել է ուկրաինական 91 անօդաչու թռչող սարք։ Մոսկվայի մարզի նահանգապետ Անդրեյ Վորոբյովի խոսքով՝ հարձակման հետևանքով մեկ մարդ զոհվել է, երեքը՝ վիրավորվել։