ՄՔԴ-ն հաստատել է Ֆիլիպինների նախկին նախագահ Դուտերտեի ձերբակալման հրամանը

Միջազգային քրեական դատարանի (ՄՔԴ) նախաքննական պալատը Ֆիլիպինների նախկին նախագահ Ռոդրիգո Դուտերտեի ձերբակալության օրդեր է տվել մարդկության դեմ հանցագործության մեղադրանքով։ Այս մասին հայտնում է դատարանի մամուլի ծառայությունը։
Դուտերտեն կասկածվում է 2011 թվականի նոյեմբերի 1-ից 2019 թվականի մարտի 16-ը Ֆիլիպիններում ենթադրաբար կատարված սպանությունների մեջ, հայտնել է դատարանը։

«Կասկածյալին ՄՔԴ բերման ենթարկելուց հետո կնշանակվի նախնական դատական ​​նիստ»,- հավելել են ՄՔԴ-ից:

Ավելի վաղ հայտնել էինք, որ Դուտերտեին, ով Ֆիլիպիններում իշխանության ղեկին էր 2016-2022 թվականներին, ձերբակալել էր Ֆիլիպինների ոստիկանությունը, այնուհետ անձնական ինքնաթիռով հասցրել Հաագա։