Ռոդրիգո Դուտերտեն տեղափոխվել է Հաագայի Միջազգային քրեական դատարան

Հաագայի Միջազգային քրեական դատարանի (ՄՔԴ) որոշմամբ ձերբակալված Ֆիլիպինների նախկին նախագահ Ռոդրիգո Դուտերտեին տեղափոխող ինքնաթիռը վայրէջք է կատարել Նիդերլանդներում, հայտնում է NOS-ը։

Մարտի 11-ին Դուտերտեն ձերբակալվել էր Ֆիլիպինների մայրաքաղաք Մանիլայի օդանավակայանում՝ Հոնկոնգ կատարած այցից վերադառնալուց հետո։ Նա մեղադրվում է մարդկության դեմ գործած հանցագործությունների համար՝ կապված առանց դատարանի վճռի զանգվածային ​​սպանությունների հետ, որոնք իրականացվել են թմրամիջոցների ապօրինի շրջանառության դեմ պայքարի շրջանակներում։ Զոհերի ստույգ թիվը հայտնի չէ։ Երկրի նախկին ղեկավարը չի թաքցրել իր մեթոդները:

Մինչ փաստաբանները վիճարկում են 79-ամյա քաղաքական գործչի կալանավորումը, Ֆիլիպինների նախկին նախագահ Ռոդրիգո Դուտերտեն տեղափոխվել է Հաագայի Միջազգային քրեական դատարան (ICC):

«Այսօր՝ 2025 թվականի մարտի 12-ին, 1945 թվականի մարտի 28-ին ծնված պարոն Ռոդրիգո Ռոա Դուտերտեն ձերբակալվել է ՄՔԴ-ի կողմից», - ասվում է ICC կայքում: