«Թուրքիան պետք է ավելի շատ պատասխանատվություն ստանձնի Ուկրաինայի համար»․ Տուսկ

Լեհաստանի վարչապետ Դոնալդ Տուսկը Թուրքիայի նախագահ Ռեջեփ Թայիփ Էրդողանին խնդրել է պատասխանատվություն ստանձնել Ուկրաինայում խաղաղ գործընթացի և Եվրոպայում անվտանգության համար։

«Ես հստակ առաջարկություն եմ արել նախագահ Էրդողանին, որ Թուրքիան պետք է հնարավորինս շատ համատեղ պատասխանատվություն ստանձնի Ուկրաինայում խաղաղ գործընթացի համար՝ երաշխավորելով կայունությունն ու անվտանգությունը մեր ողջ տարածաշրջանում»,- ասել է Տուսկը Անկարայում՝ Թուրքիայի ղեկավարի հետ բանակցություններից հետո կայացած մամուլի ասուլիսում։

«Մենք պատրաստ ենք համագործակցել մեր թուրք գործընկերների հետ պաշտպանության և պաշտպանական արդյունաբերության ոլորտում, ես չափազանցություն չի լինի, եթե ասեմ, որ մենք պատմական բեկում ենք կատարել», - հավելել է Լեհաստանի վարչապետը։

Տուսկը հայտնել է նաև, որ Էրդողանի հետ քննարկել է երկու երկրների ընկերությունների համագործակցության հեռանկարը՝ Սիրիայում շենքերի և ենթակառուցվածքների վերականգնման հարցում։ Վարչապետը տեղեկացրել է, որ Էրդողանը Վարշավա կայցելի ապրիլին։