«Պուտինի խոսքերը հաստատում են կարգավորման հարցում ԱՄՆ-ի լավատեսությունը»․ Պեսկով

Ռուսաստանի նախագահ Վլադիմիր Պուտինի հայտարարությունները՝ կապված Ուկրաինայում զինադադարի հարցում իր համաձայնության հետ, արդարացնում են ԱՄՆ-ի զգուշավոր լավատեսությունը։ Այսկերպ ՌԴ նախագահի մամուլի քարտուղար Դմիտրի Պեսկովը ճեպազրույցում մեկնաբանել է ազգային անվտանգության հարցերով ԱՄՆ նախագահի օգնական Մայք Ուոլցի հայտարարությունը։

«Անշուշտ, զգուշավոր լավատես լինելու պատճառներ կան»,- ասել է Կրեմլի խոսնակը։

«Դուք երեկ լսեցիք նախագահ Պուտինի շատ կարևոր հայտարարությունը: Նա ասաց, որ սատարում է կարգավորման հարցում ԱՄՆ նախագահ Դոնալդ Թրամփի դիրքորոշումը, բայց հնչեցրել է մի քանի հարցեր, որոնց պատասխանները պետք է գտնվեն համատեղ», - հիշեցրել է Պեսկովը: