Երկուշաբթի, 20 հոկտեմբերի, 2025 թ.
|
Ստեփանակերտում`   +16 °C

«Պուտինի հետ հեռախոսազրույցը տեղի կունենա մարտի 18-ին»․ Թրամփ

«Պուտինի հետ հեռախոսազրույցը տեղի կունենա մարտի 18-ին»․ Թրամփ
566
Երկուշաբթի, 17 մարտի, 2025 թ., 09:20

ԱՄՆ նախագահ Դոնալդ Թրամփը հայտարարել է, որ մարտի 18-ին հեռախոսազրույց կունենա իր ռուս գործընկեր Վլադիմիր Պուտինի հետ, հայտնում է Reuters-ը։ Այս մասին նա լրագրողներին ասել է ինքնաթիռում՝ Ֆլորիդայից Վաշինգթոն չվերթի ժամանակ։

Թրամփը հայտնել է, որ մտադիր է զրույցի ընթացքում բարձրացնել տարածքների հարցը՝ ուկրաինական հակամարտության համատեքստում, ինչպես նաև քննարկել ատոմակայանի նկատմամբ վերահսկողությունը։ Նրա խոսքով՝ հանգստյան օրերին «շատ աշխատանք» է կատարվել:

«Ուզում ենք տեսնել, թե արդյո՞ք կարող ենք վերջ տալ այս պատերազմին։ Միգուցե կարող ենք, միգուցե՝ ոչ, բայց կարծում եմ, որ մենք շատ լավ հնարավորություններ ունենք»,- ասել է ԱՄՆ նախագահը։

Նախօրեին Մերձավոր Արևելքի հարցերով ԱՄՆ նախագահի հատուկ ներկայացուցիչ Սթիվ Ուիթքոֆն ասել էր, որ հեռազրույցը կարող է տեղի ունենալ այս շաբաթվա ընթացքում։