Երեքշաբթի, 16 սեպտեմբերի, 2025 թ.
|
Ստեփանակերտում`   +15 °C

ԱՄՆ-ն ու Իսրայելը ցանկանում են Գազայի հատվածի պաղեստինցիներին վերաբնակեցնել Սիրիայում․ #CBCNews

ԱՄՆ-ն ու Իսրայելը ցանկանում են Գազայի հատվածի պաղեստինցիներին վերաբնակեցնել Սիրիայում․ #CBCNews
647
Երկուշաբթի, 17 մարտի, 2025 թ., 17:03

ԱՄՆ-ի և Իսրայելի իշխանությունները հետաքրքրված են Գազայի հատվածի պաղեստինցիներին Սիրիայում վերաբնակեցնելու հնարավորությամբ։ Այս մասին հայտնում է CBS News-ը՝ վկայակոչելով տարբեր աղբյուրների։

Ըստ լրատվամիջոցի՝ ԱՄՆ նախագահ Դոնալդ Թրամփի վարչակազմը փորձել է այդ հարցով կապ հաստատել Սիրիայի անցումային կառավարության հետ միջնորդի միջոցով։ Մեկ այլ աղբյուր հաստատել է սիրիական իշխանություններին դիմելու փաստը, սակայն չի հստակեցրել, թե արդյոք որևէ պատասխան հետևել է դրան, թե ոչ։

Իր հերթին, սիրիացի բարձրաստիճան պաշտոնյաներից մեկը CBS News-ին տված մեկնաբանությունում հերքել է Գազայի հատվածի բնակիչների վերաբնակեցման վերաբերյալ ԱՄՆ-ից կամ Իսրայելից որևէ հարցում ստանալը։

Փետրվարին Սիրիայի անցումային կառավարության ղեկավար Ահմեդ ալ-Շարաան հայտարարել էր, որ անբարոյական է համարում ԱՄՆ նախագահ Դոնալդ Թրամփի՝ պաղեստինցիներին իրենց հողերից վտարելու ծրագրերը։