«ԱՄՆ-ն պետք է գործ ունենա ՌԴ-ի հետ՝ նրա տարածքի ու բնական պաշարների պատճառով»․ Թրամփ

348

Հինգշաբթի, 20 մարտի, 2025 թ., 10:45

ԱՄՆ-ն պետք է գործ ունենա Ռուսաստանի հետ՝ նրա տարածքի և բնական ռեսուրսների պատճառով։ Այս մասին ԱՄՆ նախագահ Դոնալդ Թրամփը հայտարարել է Breitbart պորտալին տված հարցազրույցում։

«Մենք պետք է գործ ունենանք Ռուսաստանի հետ։ Նրանք ունեն ամենամեծ ցամաքային տարածքը՝ շատ ավելի մեծ, քան Չինաստանը: Նրանք ունեն 11 ժամային գոտիներ։ Կարելի է ծայրից ծայր թռչել 11 ժամային գոտիներով: Նրանք շատ արժեքավոր հողեր ունեն»,- իր քաղաքականության աշխարհատնտեսական համատեքստն է մեկնաբանել ԱՄՆ նախագահը։

Միաժամանակ, Թրամփն ընդգծել է, որ թեև Չինաստանից Ռուսաստանի հնարավոր անջատումը ռուս-ամերիկյան տնտեսական հարաբերությունների վերականգնման նպատակը չէ, ինչի հետ ինքը հույսեր է կապում, այնուամենայնիվ, դեպքերի զարգացումը կարող է հանգեցնել հենց այդ արդյունքին։