«Աճող ճնշման պայմաններում ուղիղ բանակցությունները բացառվում են»․ Արաղչին՝ Թրամփի նամակի վերաբերյալ

ԱՄՆ նախագահ Դոնալդ Թրամփի՝ Իրանին ուղղված նամակը սպառնալից բնույթ ունի, բայց միաժամանակ ակնարկներ է պարունակում հնարավոր հեռանկարների վերաբերյալ։ Այս մասին հայտարարել է Իրանի ԱԳՆ ղեկավար Աբբաս Արաղչին։

Նա նշել է, որ Իրանը պատրաստում է Դոնալդ Թրամփի նամակի պատասխանը, որն առաջիկա օրերին կփոխանցվի դիվանագիտական ​​խողովակներով։

«Ճնշումների, սպառնալիքների և պատժամիջոցների աճի համատեքստում մենք կտրականապես բացառում ենք որևէ ուղղակի բանակցությունների հնարավորությունը»,- նշել է նա։

Հիշեցնենք, որ ավելի վաղ ԱՄԷ նախագահի դիվանագիտական ​​խորհրդականը պաշտոնական այցով Թեհրանում հանդիպել է Իրանի արտգործնախարար Աբբաս Արաղչիին և նրան փոխանցել Թրամփի նամակը։