Պուտինն ուղերձ է հղել Ահմեդ ալ-Շարաային

ՌԴ նախագահ Վլադիմիր Պուտինն ուղերձ է հղել Սիրիայի անցումային կառավարության ղեկավար Ահմեդ ալ-Շարաային, հայտնել է ՌԴ նախագահի մամուլի քարտուղար Դմիտրի Պեսկովը։
«Վլադիմիր Պուտինն ուղերձ է հղել սիրիական պետության ղեկավար Ահմեդ ալ-Շարաային, որում նա իր աջակցությունն է հայտնել Սիրիայում իրավիճակի արագ կայունացմանն ուղղված ջանքերին՝ ի շահ երկրի ինքնիշխանության, անկախության, միասնության և տարածքային ամբողջականության ապահովման», - ասել է Կրեմլի խոսնակը։

Պեսկովի խոսքով՝ Պուտինը հաստատել է երկու երկրների համագործակցությունը զարգացնելու իր պատրաստակամությունը՝ երկկողմ օրակարգի հարցերի ողջ շրջանակում ռուս-սիրիական ավանդական բարեկամական հարաբերություններն ամրապնդելու նպատակով։