Շաբաթ, 19 սեպտեմբերի, 2026 թ.
|
Ստեփանակերտում`   +16 °C

«ԵՄ-ն կքննարկի Կիևին 5 մլրդ եվրոյի ռազմական օգնության հարցը»․ Կալլաս

«ԵՄ-ն կքննարկի Կիևին 5 մլրդ եվրոյի ռազմական օգնության հարցը»․ Կալլաս
688
Հինգշաբթի, 20 մարտի, 2025 թ., 15:27

ԵՄ դիվանագիտության ղեկավար Քայա Կալլասը հաստատել է, որ ԵՄ գագաթնաժողովը կքննարկի Կիևին տրամադրվելիք 5 միլիարդ եվրոյի ռազմական օգնությունը: Այդ մասին նա լրագրողներին հայտնել է գագաթնաժողով ժամանելուց հետո։

«Մենք կքննարկենք Ուկրաինային 5 միլիարդ եվրոյի զինամթերք տրամադրելու նախաձեռնությունը, որն իսկապես անհրաժեշտ է Ուկրաինային», - ասել է նա: Հարցին, թե ինչու ԵՄ երկրներն այլևս չեն քննարկում Կիևին 40 միլիարդ եվրո տրամադրելու՝ Կալլասի կողմից նախկինում արված առաջարկը, դիվանագետը պատասխանել է, որ դա կապված է ԵՄ երկրների «բյուջետային խնդիրների» հետ:

«Այժմ իրատեսական է քննարկել 5 միլիարդ եվրոյի պլանը», - ասել է Կալլասը:

Ավելի վաղ Եվրոհանձնաժողովը հայտնել էր, որ մտադիր է 2025 թվականին Ուկրաինային մատակարարել 2 միլիոն հրետանային արկ։