Ուիթքոֆն անդրադարձել է հայ-ադրբեջանական հակամարտության կարգավորմանը

ԱՄՆ նախագահի հատուկ բանագնաց Սթիվ Ուիթքոֆը, ի թիվս այլ հակամարտությունների, անդրադարձել է հայ-ադրբեջանական հակամարտության կագավորմանը։

«Եթե ես չեմ կարծում, որ հաջողության կհասնեմ, ինչո՞ւ պետք է վատնեմ իմ ժամանակը, կամ, ավելի վատ՝ Միացյալ Նահանգների ժամանակը: Ինչո՞ւ պետք է գնամ և նախագահին ասեմ, որ մենք կարող ենք երկխոսության միջոցով ինչ-որ հակամարտության վերջ տալ, բայց հետո չկարողանանք դա անել: Քաղաքական վատ ռազմավարություն կլիներ, եթե ես անձամբ չմիջամտեի, եզրակացություններ չանեի և չգայի ու չասեի նախագահին՝ կարող ենք վերջ տալ այս երկխոսությանը, կամ չենք կարող։ Նման հաշվարկները վերաբերում են իրանցիներին, ռուսներին և ուկրաինացիներին, նույնը վերաբերում է Ադրբեջանին ու Հայաստանին»,-ասել է Ուիթքոֆը։

Դոնալդ Թրամփի հատուկ ներկայացուցիչը, սակայն, դեռ չի պարզաբանել՝ արդյո՞ք ԱՄՆ-ն ժամանակ կծախսի հայ-ադրբեջանական հակամարտության կարգավորման վրա, թե ոչ։