Իրանն իսլամական երկրներին կոչ է արել անհապաղ միջոցներ ձեռնարկել Իսրայելի գործողությունների դեմ

Իրանի արտաքին գործերի նախարար Աբբաս Արաղչին իսլամական և տարածաշրջանային երկրներին կոչ է արել անհապաղ քայլեր ձեռնարկել «Իսրայելի հանցագործություններին և տարածաշրջանում տիրող անկայունությանը վերջ տալու համար»։ Այս մասին հայտնում է IRNA-ն։

Իրանի արտգործնախարարն էմիրաթյան իր պաշտոնակից շեյխ Աբդուլլահ բեն Զայեդ Ալ Նահյանի հետ հեռախոսազրույցում դատապարտել է Իսրայելի գործողությունները Գազայի հատվածում, որոնք հանգեցրել են հարյուրավոր անմեղ պաղեստինցիների մահվան և խախտել հրադադարի համաձայնագիրը։

Երկու պաշտոնյաները քննարկել են տարածաշրջանային վերջին զարգացումները, մասնավորապես Գազայում շարունակվող ցեղասպանությունը և Եմենի վրա ԱՄՆ ռազմական հարվածները։