Իսրայելը հզոր ավիահարվածներ է հասցրել Լիբանանին

Իսրայելը հզոր ավիահարվածներ է հասցրել Լիբանանին՝ այն բանից հետո, երբ նոյեմբերին հրադադարի համաձայնագրի ուժի մեջ մտնելուց հետո առաջին անգամ Լիբանանի տարածքից հրթիռներ են արձակվել Իսրայելի ուղղությամբ, հայտնում է BBC-ն:

Իսրայելական բանակը հայտնել է, որ Լիբանանի հարավում խոցվել են իրանամետ «Հեզբոլլահ» շարժման հրամանատարական կենտրոնն ու տասնյակ հրթիռային կայանքներ:

Լիբանանի Առողջապահության նախարարությունը հայտնել է, որ հարվածների հետևանքով մահացել է երկու մարդ, այդ թվում՝ մեկ երեխա, ևս ութը վիրավորվել են:

Հեզբոլլահը հերքում է, որ Իսրայելի ուղղությամբ հրթիռներ են արձակվել: Ըստ շարժման ներկայացուցիչների՝ նրանք հավատարիմ են մնում հրադադարի համաձայնագրին, որի շնորհիվ Լիբանանում հարաբերական անդորր է հաստատվել՝ 14 ամիս տևած բռնություններից հետո: