«ԱՄՆ-ն կարող է ռազմական գործողությունների գնալ Իրանի դեմ՝ որոշակի պայմաններում»․ Ուիթքոֆ

ԱՄՆ-ն կարող է ռազմական գործողություններ ձեռնարկել Իրանի նկատմամբ՝ որոշակի պայմաններում, Fox News-ի փոխանցմամբ՝ հայտարարել է ԱՄՆ նախագահի հատուկ ներկայացուցիչ Սթիվ Ուիթքոֆը:

«Կարիք չկա, որ ամեն ինչ ռազմական ճանապարհով լուծվի, բայց մենք կգնանք դրան՝ որոշակի պայմաններում»,- ասել է նա՝ հավելելով, որ երկխոսության տարբերակն ավելի նախընտրելի է։

Ուիթքոֆն ընդգծել է, որ Իրանի՝ միջուկային զենք ունենալու հարցում նախագահ Դոնալդ Թրամփի դիրքորոշումը չի փոխվել: «Իրանը չի կարող ունենալ միջուկային զենք, մենք չպետք է թույլ տանք, որ նրանք զարգացնեն միջուկային զինանոցը»,- ասել էր Թրամփը:

Ավելի վաղ նա հայտնել էր, որ պատրաստ է միջուկային նոր համաձայնագիր ստորագրել Իրանի հետ։ Նախկինում երկու երկրները կնքել էին նման համաձայնագիր 2015 թվականին, որից ԱՄՆ-ն դուրս էր եկել 2018-ին: