«Իմամօղլուն մի կողմից բանտում է, մյուս կողմից՝ նախագահ դառնալու ճանապարհին»․ Օզել

Թուրքիայի ընդդիմադիր Ժողովրդահանրապետական ​​կուսակցությունը նախագահի թեկնածու է առաջադրել Ստամբուլի կալանավորված քաղաքապետ Էքրեմ Իմամօղլուին։

Կուսակցության փրայմըրիզներին ընդհանուր առմամբ մասնակցել է Թուրքիայի 15 միլիոն քաղաքացի, որոնք ներկայացնում են երկրում գրանցված ընտրողների գրեթե մեկ քառորդը։ Նրանցից Իմամօղլուին աջակցություն է հայտնել 13,2 միլիոնը։

Ժողովրդահանրապետական ​​կուսակցության նախագահ Օզգուր Օզելը Թուրքիայի նախագահ Ռեջեփ Թայիփ Էրդողանին կոչ է արել նախագահական արտահերթ ընտրություններ անցկացնել և մրցել Էքրեմ Իմամօղլուի հետ։

«Իմամօղլուն մի կողմից բանտում է, մյուս կողմից՝ նախագահ դառնալու ճանապարհին»,- հանրահավաքի ժամանակ Օզելի խոսքերն է մեջբերել AP-ն։

Էքրեմ Իմամօղլուն ձերբակալվել է մարտի 19-ին՝ կոռուպցիայի և ահաբեկչության հետ կապերի մեղադրանքով։ Իմամօղլուն հերքել է իրեն առաջադրված բոլոր մեղադրանքները։