Ուրբաթ, 28 մարտի, 2025 թ.
|
Ստեփանակերտում`   +9 °C

«Ռուս-ամերիկյան բանակցությունները կշարունակվեն միջազգային հանրության ներգրավմամբ»․ Կարասին

«Ռուս-ամերիկյան բանակցությունները կշարունակվեն միջազգային հանրության ներգրավմամբ»․ Կարասին
334
Երեքշաբթի, 25 մարտի, 2025 թ., 10:44

Երկուշաբթի Սաուդյան Արաբիայի մայրաքաղաքում տեղի ունեցած Ռուսաստանի և ԱՄՆ փորձագիտական ​​խմբերի միջև երկխոսությունը հեշտ չէր, բայց օգտակար էր երկու երկրների համար։ Այս մասին ՏԱՍՍ-ին հայտնել է ՌԴ Դաշնության խորհրդի միջազգային հարցերով կոմիտեի ղեկավար, Էր Ռիադում ռուսական պատվիրակության անդամ Գրիգորի Կարասինը։

«Բարդ երկխոսություն էր, սակայն շատ օգտակար՝ մեզ և ամերիկացիների համար: Քննարկվեցին շատ խնդիրներ: Իհարկե, ամեն հարց չէ, որ լուծվեց, ամեն ինչ համաձայնեցված չէ, բայց այն, որ նման զրույց տեղի ունեցավ, ինձ թվում է, շատ տեղին է՝ հաշվի առնելով հանդիպմանը մասնակից նոր վարչակազմի և նոր քաղաքական գործիչների ի հայտ գալը»,- հայտնել է Կարասինը:

«Ռուսաստանի և ԱՄՆ-ի միջև բանակցությունները կշարունակվեն միջազգային հանրության, այդ թվում՝ ՄԱԿ-ի և առանձին երկրների մասնակցությամբ»,- հավելել է նա։

«Ընդհանուր առմամբ, անհրաժեշտ և կառուցողական երկխոսության տպավորություն կար»,- եզրափակել է Կարասինը։

Հաղորդվում է, որ Էր Ռիադում ռուս-ամերիկյան բանակցությունները տևել են 12 ժամ։ Հանդիպման արդյունքներով այսօր հայտարարություն կհրապարակվի։

Կարդացե՛ք նաև