Գերմանիան մուտքի արգելք է սահմանել վրացի պաշտոնյաների համար

Գերմանիայի ԱԳՆ-ն մուտքի արգելք է սահմանել վրացի պաշտոնյաների համար, ովքեր պատասխանատու են ցուցարարների նկատմամբ կոշտ միջոցներ կիրառելու համար։

«Մոտ երեք ամիս Վրաստանի ժողովուրդը մասնակցում է բողոքի ցույցերի՝ ի պաշտպանություն ԵՄ-ին երկրի անդամակցությանը, դեմ արտահայտվելով Վրաստանի իշխանությունների որդեգրած ուղեգծին, ահաբեկմանը, բանտարկություններին և բռնությանը։ Այսօր Գերմանիան արգելք է սահմանել վրացի պաշտոնյաների նկատմամբ, ովքեր պատասխանատու են այդ ամենի համար»,- ընդգծել են Գերմանիայի ԱԳՆ-ում։

2024 թվականի գարնանը Վրաստանի խորհրդարանն ընդունեց «Օտարերկրյա ազդեցության թափանցիկության մասին» օրենքը, որը վերաբերում է ոչ առևտրային կազմակերպություններին ու լրատվամիջոցներին, որոնք իրենց ֆինանսավորման ավելի քան 20%-ը ստանում են արտերկրից։

Ընդունված օրենքը Վրաստանում բողոքի զանգվածային ցույցերի պատճառ է դարձել, իսկ ընդդիմությունն այն անվանել է ռուսամետ։

Ավելի վաղ՝ 2024 թվականին, վարչապետ Իրաքլի Կոբախիձեն հայտարարել էր, որ Վրաստանը հետաձգում է Եվրոմիությանն անդամակցելու շուրջ բանակցությունների մեկնարկը՝ մինչև 2028 թվականի վերջ։