«Գրենլանդիան ԱՄՆ-ին պետք է միջազգային անվտանգությունն ապահովելու համար»․ Թրամփ

Աշխարհը, ներառյալ Դանիան, շահագրգռված է, որ Գրենլանդիան պատկանի ԱՄՆ-ին, հայտարարել է ԱՄՆ նախագահ Դոնալդ Թրամփը։

«Մեզ պետք է Գրենլանդիան։ Աշխարհին, ներառյալ Դանիային, նույնպես պետք է, որ Գրենլանդիան մերը լինի: Դանիան ցանկանում է, որ Գրենլանդիան պատկանի Ամերիկային», - Սպիտակ տանը լրագրողներին ասել է Թրամփը:

ԱՄՆ նախագահը նշել է, որ ռուսական և չինական նավերը նավարկում են Գրենլանդիայի մոտ, ուստի ԱՄՆ-ն «պետք է այնտեղ լինի»։

«Եթե մենք այնտեղ չլինենք, չենք կարողանա ապահովել ազգային կամ միջազգային անվտանգությունը»,- ընդգծել է նա։

Նոյեմբերին վերընտրվելուց ի վեր Թրամփը ցանկություն է հայտնել Դանիայի ինքնավար տարածք հանդիսացող Գրենլանդիան ԱՄՆ-ի մաս դարձնել՝ չբացառելով ռազմական ուժի կիրառումը։

Գրենլանդիայի և Դանիայի իշխանությունները դեմ էին արտահայտվել այս գաղափարին։