Իսրայելը Գազայի հատվածում ցամաքային գործողություն է սկսել

Իսրայելի պաշտպանության բանակը հայտարարել է Ռաֆախի շրջանում ցամաքային գործողություն սկսելու մասին՝ Գազայի հատվածի հարավում անվտանգության գոտին ընդլայնելու նպատակով։
«Վերջին մի քանի ժամվա ընթացքում Իսրայելի պաշտպանության բանակի զորքերն սկսել են ցամաքային գործողություններ իրականացնել Ռաֆախի Ալ-Ջանինա շրջանում՝ Գազայի հարավում անվտանգության գոտին ընդլայնելու նպատակով»,- ասվում է Իսրայելի ՊԲ Telegram ալիքում տարածված հաղորդագրության մեջ:
Ավելի վաղ Իսրայելը վերսկսել էր ռազմական գործողությունները Գազայի հատվածում գրեթե երկամսյա հրադադարից հետո՝ պատերազմի վերսկսման անհրաժեշտությունը բացատրելով նրանով, որ պաղեստինյան ՀԱՄԱՍ շարժումը հրաժարվել է ընդունել հրադադարը երկարաձգելու և իսրայելցի պատանդներին ազատ արձակելու ամերիկյան ծրագիրը։