«Մասկը կհեռանա պաշտոնից»․ #Politico

Մոտակա շաբաթների ընթացքում միլիարդատեր Իլոն Մասկը կդադարեցնի իր պարտականությունները, գրում է Politico-ն՝ հղում անելով աղբյուրներին։

«ԱՄՆ նախագահ Դոնալդ Թրամփն իր օգնականներին ու նախարարներին հայտնել է, որ Իլոն Մասկը շուտով կլքի իր պաշտոնը», գրում է լրատվամիջոցը։

«Կարծում եմ՝ նա հիանալի է, բայց, նաև կարծում եմ, նա մեծ ընկերություն ունի , որը պետք է ղեկավարի, և ինչ-որ պահի նա կվերադառնա», - ասել է Թրամփը:
Ըստ աղբյուրի՝ Թրամփը գոհ է Մասկի աշխատանքից և կառավարության արդյունավետության դեպարտամենտ ստեղծելու նրա նախաձեռնությունից։ Սակայն Թրամփն ու Մասկը որոշել են, որ ժամանակն է, որ վերջինս վերադառնա իր բիզնեսին և ստանձնի խորհրդականի դեր։

Մասկի «նահանջը» լրատվամիջոցը կապում է այն բանի հետ,որ Թրամփի վարչակազմի անդամներն ու մի շարք արտաքին դաշնակիցներ հիասթափվել են Մասկի անկանխատեսելիությունից: