«Ազատությո՛ւն Մարին Լը Պենին»․ Թրամփը գրառում է կատարել

ԱՄՆ նախագահ Դոնալդ Թրամփն իր աջակցությունն է հայտնել ֆրանսիական ծայրահեղ աջ «Ազգային միավորում» կուսակցության առաջնորդ Մարին Լը Պենին, երբ մարտի 31-ին վերջինս 4 տարվա պայմանական ազատազրկման է դատապարտվել Եվրոմիության միջոցների յուրացման գործով։ Truth Social հարթակում կատարած գրառման մեջ Թրամփը Մակրոնին մեղադրել է խոսքի ազատությունը ճնշելու փորձի մեջ:

«Մարին Լը Պենի դեմ «վհուկների որսը» ևս մի օրինակ է, թե ինչպես են եվրոպական ձախերն օգտագործում օրենքը՝ լռեցնելու քաղաքական մրցակիցներին: Ես անձամբ չեմ ճանաչում Մարին Լը Պենին, բայց գնահատում եմ նրա համառությունը: Նա շատ բանի միջով է անցել, բայց չի հանձնվել։ Իսկ հիմա՝ հաղթանակից անմիջապես առաջ, նրան չնչին մեղադրանք է առաջադրվել»,- նշել է ԱՄՆ նախագահը։

Թրամփի կարծիքով՝ Լը Պենը տեղյակ չի եղել ենթադրյալ յուրացման մասին, որը նա անվանել է «հաշվապահական սխալ»:

«Սա վատ է Ֆրանսիայի և ֆրանսիացի մեծ ժողովրդի համար՝ անկախ քաղաքական նախասիրություններից: Ազատությո՛ւն Մարին Լը Պենին»,- եզրափակել է ԱՄՆ նախագահը: