«ՌԴ-ն կոշտ կարձագանքի Կիևին սպառազինելու Ճապոնիայի փորձերին»․ Զախարովա

Ռուսաստանը կոշտ միջոցներ կձեռնարկի, եթե Ճապոնիան Ուկրաինային զենք և ռազմական տեխնիկա մատակարարի, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք ցանկանում ենք զգուշացնել, որ Ճապոնիայի ցանկացած քայլ՝ ուղղված Ուկրաինային ուղղակիորեն կամ անուղղակիորեն զենք և ռազմական տեխնիկա մատակարարելուն, ինչը կօգտագործվի ռուս քաղաքացիների սպանության համար, կամ կաջակցի ուկրաինացի զինյալներին, մեր կողմից կդիտվի որպես միանշանակ թշնամական»,- ասել է Զախարովան։

«Վերառազմականացման ուղղությամբ իրականացվող քաղաքականության ֆոնին Ճապոնիան ավելի ու ավելի է ներգրավվում ուկրաինական հակամարտության մեջ»,- նշել է ՌԴ ԱԳՆ պաշտոնական ներկայացուցիչը։