«Ուկրաինայում ամռանն անցկացվելիք ընտրությունների մասին խոսակցություններն անհեթեթ են»․ Երմակ

Ուկրաինայի նախագահի գրասենյակի ղեկավար Անդրեյ Երմակն անդրադարձել է ամռանն Ուկրաինայում հնարավոր ընտրությունների հարցին՝ այդ խոսակցությունները համարելով անհեթեթություն։

Երմակը մեկնաբանել է The Economist-ի հրապարակած նյութը։ Լրատվամիջոցը գրել էր, որ Ուկրաինայում ընտրությունները կարող են տեղի ունենալ ռազմական գործողությունների դադարեցումից անմիջապես հետո՝ նշելով, որ խոսքը 2025 թվականի ամռան մասին է։

«Բացարձակ անհեթեթություն է: Հնարավոր չէ ընտրություններ պլանավորել, քանի դեռ մարտերը շարունակվում են: Նախ պատերազմը պետք է ավարտվի», - ասել է Երմակը իտալական Corriere della sera թերթին տված հարցազրույցում: