«Իրանի միջուկային ծրագրի շուրջ բանակցությունները կշարունակվեն Հռոմում»․ #Axios

582

Երկուշաբթի, 14 ապրիլի, 2025 թ., 11:51

ԱՄՆ-ի և Իրանի միջև միջուկային բանակցությունների երկրորդ փուլը նախատեսվում է շաբաթ օրը՝ Հռոմում, հայտնում է Axios-ը։

Ըստ աղբյուրի՝ Թրամփի վարչակազմը գոհ էր Օմանում կայացած բանակցությունների առաջին փուլից, որն անուղղակի ձևաչափից անցում կատարեց ուղղակի շփումների։ (Օմանի միջնորդությամբ բանակցություններից հետո ամերիկյան և իրանական պատվիրակության ղեկավարները մի քանի րոպե առանց միջնորդների երկխոսություն են ունեցել)։

ԱՄՆ-ն ցանկանում է Հռոմում ևս պահպանել այդ ձևաչափը։ Բանակցությունների վայրն առաջարկել է ամերիկյան կողմը, հայտնում է լրատվամիջոցը՝ հիշեցնելով, որ ԱՄՆ նախագահի հատուկ բանագնաց Սթիվ Ուիթքոֆը և Իրանի ԱԳ նախարար Աբբաս Արաղչին խոսել են մոտ 45 րոպե՝ ավելի երկար, քան նախատեսված էր։ Սա ԱՄՆ-ի և Իրանի պաշտոնյաների միջև վերջին ութ տարիների ընթացքում ամենաբարձր մակարդակի երկխոսությունն էր։

Ուիթքոֆն այն բնութագրել էր որպես «դրական և կառուցողական զրույց»։