«Նրանք սխալ են թույլ տվել»․ Թրամփն անդրադարձել է Սումիին հասցված հարվածներին

ԱՄՆ նախագահ Դոնալդ Թրամփը Սումիի վրա Ռուսաստանի կողմից ապրիլի 13-ին իրականացված հարձակումն անվանել է «սարսափելի»՝ նշելով, որ «նրանք (ռուսները) սխալվել են», հայտնում է Forbes-ը։

«Կարծում եմ՝ դա սարսափելի էր, և ինձ ասել են, որ նրանք սխալվել են... ողջ այդ պատերազմը սարսափելի է։ Այդ պատերազմը իշխանության չարաշահման հետևանք է»,- ասել է Թրամփը։

«Սա Ջո Բայդենի պատերազմն է, ոչ թե իմ, ես շատ կարճ ժամանակ եմ այստեղ։ Բայդենը նրանց (ուկրաինացիներին) միլիարդավոր դոլարներ էր տվել»,- հավելել է Թրամփը՝ նշելով, որ ԱՄՆ նախկին նախագահը երբեք չպետք է թույլ տար, որ այդ պատերազմն սկսվեր։

Հիշեցնենք՝ կիրակի ռուսական հարվածի հետևանքով Սումիում վերջին տվյալներով զոհվել է առնվազն 34, վիրավորվել՝ 117 մարդ։

Եվրոպացի առաջնորդները դատապարտել են հարձակումը՝ այն անվանելով «հոգեցունց»։