«Մոսկվան և Վաշինգթոնը խաղաղության մասին են խոսում, Եվրոպան՝ պատերազմի»․ Պեսկով

Մինչ Մոսկվան և Վաշինգթոնը խոսում են խաղաղության մասին, եվրոպական մայրաքաղաքները վերածվել են «պատերազմի ճիվաղների»։ Այս մասին ասել է ՌԴ նախագահի մամուլի քարտուղար Դմիտրի Պեսկովը։

«Առայժմ մենք կենտրոնացած ենք ամերիկացիների հետ մեր շփումների վրա: Հատկապես որ գործը բավականին դժվար է ընթանում»,- ասել է Պեսկովը լրագրողներին՝ մեկնաբանելով ուկրաինական իրավիճակի կարգավորմանն ուղղված ջանքերը։

Պեսկովն ընդգծել է, որ եթե Մոսկվան և Վաշինգթոնը «դեռ խոսում են խաղաղության մասին», ապա եվրոպական մայրաքաղաքները «հանկարծ վերածվել են պատերազմական բազեների, ճիվաղների»՝ պնդելով ռազմական գործողությունները շարունակելու մասին։

«Կիևի ռեժիմն իր ավանդական դիրքում է: Ուստիև գործերն այնքան էլ հարթ չեն ընթանում»,- հավելել է Պեսկովը: