Շաբաթ, 19 սեպտեմբերի, 2026 թ.
|
Ստեփանակերտում`   +15 °C

«ԱՄՆ-ն իր զորքերի մի մասը դուրս է բերում Սիրիայի հյուսիս-արևելքից»․ #NYT

«ԱՄՆ-ն իր զորքերի մի մասը դուրս է բերում Սիրիայի հյուսիս-արևելքից»․ #NYT
825
Ուրբաթ, 18 ապրիլի, 2025 թ., 11:03

ԱՄՆ զինված ուժերը որոշել են Սիրիայի հյուսիս-արևելքում գործող 8 փոքր բազաներից 3-ը փակել, իսկ զինված ուժերի թիվը 2 000-ից կրճատել մինչև 1 400: Այս մասին, NYT-ի փոխանցմամբ, հայտնել են ԱՄՆ երկու բարձրաստիճան պաշտոնյաներ:

Նրանց խոսքով՝ 60 օրից ամերիկացի հրամանատարները կգնահատեն՝ արդյո՞ք անհրաժեշտ կլինեն հավելյալ կրճատումներ: Հրամանատարներն առաջարկել են նաև, որ Սիրիայում պահվի առնվազն 500 ամերիկացի զինծառայող:

Ըստ աղբյուրի՝ նախագահ Թրամփը թերահավատորեն է մոտենում Սիրիայում ամերիկյան զորքերի անհրաժեշտության հարցին, ինչի պատճառով իրականացվում են կրճատումներ՝ հրամանատարների առաջարկների հիման վրա:

Այնուամենայնիվ, ինչպես գրում է լրատվամիջոցը, Սիրիայում Իսլամական պետությունը շարունակում է վտանգ ներկայացնել, հատկապես Սիրիայի հյուսիս-արևելքում, որտեղ ամերիկյան զորքերն են տեղակայված:

Կարդացե՛ք նաև