«Հրադադարն այս փուլում անիրատեսական է»․ Նեբենզյա

551

Ուրբաթ, 18 ապրիլի, 2025 թ., 12:51

Ուկրաինայում հրադադարը ներկայումս անհնար է, քանի որ Կիևն իր հերթին չի կասեցրել հարձակումները Ռուսաստանի էներգետիկ ենթակառուցվածքների վրա, լրագրողներին հայտնել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան՝ ՄԱԿ-ի Անվտանգության խորհրդի փակ խորհրդակցություններից հետո, փոխանցում է RIA Novosti-ն։

«Մենք էներգետիկ ենթակառուցվածքներին ուղղված մասնակի հրադադարի փորձ ենք արել, ինչը չի պահպանվել Ուկրաինայի կողմից։ Նման պայմաններում հրադադարի մասին խոսելն այս փուլում ուղղակի անիրատեսական է», - ասել է Նեբենզյան։

Նա հավելել է, որ ՄԱԿ-ի Անվտանգության խորհուրդը կհաստատի Ռուսաստանի և Ուկրաինայի միջև հնարավոր պայմանավորվածությունները՝ կախված հավանական զինադադարի պայմաններից և փաստաթղթում տեղ գտած ձևակերպումներից։