Շաբաթ, 10 մայիսի, 2025 թ.
|
Ստեփանակերտում`   +15 °C

«ՌԴ-Իրան հարաբերությունները զարգանում են՝ հակառակ ճնշումներին»․ Լավրով

«ՌԴ-Իրան հարաբերությունները զարգանում են՝ հակառակ ճնշումներին»․ Լավրով
523
Ուրբաթ, 18 ապրիլի, 2025 թ., 15:33

ՌԴ և Իրանի միջև Համապարփակ ռազմավարական գործընկերության պայմանագրի ուժի մեջ մտնելը դրական ազդեցություն կունենա Թեհրանի և Մոսկվայի համագործակցության վրա, երկու երկրները զարգացնում են իրենց հարաբերությունները՝ հակառակ ճնշումներին, հայտարարել է ՌԴ արտգործնախարար Սերգեյ Լավրովը։
«Մենք համոզված ենք, որ այս պատմական փաստաթղթի ուժի մեջ մտնելն ամենադրական ազդեցությունը կունենա մեր համագործակցության վրա՝ ինչպես երկկողմ օրակարգի, այնպես էլ միջազգային ասպարեզում: Մեր քաղաքական երկխոսությունն անչափ հագեցած է: Վերջին ժամանակահատվածում նախագահները երեք անգամ հանդիպել են»,- ասել է Լավրովն իրանցի իր պաշտոնակից Աբբաս Արաղչիի հետ բանակցություններից հետո:
Լավրովի բնորոշմամբ՝ ռուս-իրանական հարաբերություններն առանձնահատուկ բնույթ են կրում։ «Այդ հարաբերությունները շարունակում են դինամիկ զարգանալ՝ չնայած տարածաշրջանում և աշխարհում տիրող շատ ծանր իրավիճակին, և չնայած մեր երկրների վրա ճնշում գործադրելու փորձերին»,- ընդգծել է Լավրովը։

ՌԴ-ի և Իրանի միջև Համապարփակ ռազմավարական գործընկերության համաձայնագիրը ստորագրվել է 2025 թվականի հունվարի 17-ին՝ Իրանի նախագահ Մասուդ Պեզեշկիանի Մոսկվա կատարած այցի ընթացքում։ Փաստաթղթի համաձայն՝ կողմերը կձգտեն խորացնել և ընդլայնել հարաբերությունները փոխադարձ հետաքրքրություն ներկայացնող բոլոր ոլորտներում։