Հռոմում ավարտվել է Իրան-ԱՄՆ բանակցությունների երկրորդ փուլը

Հռոմում ավարտվել է Իրանի և ԱՄՆ-ի միջև Իրանի միջուկային ծրագրի շուրջ բանակցությունների երկրորդ փուլը, որը տևել է ավելի քան չորս ժամ։ Այս մասին հաղորդել է իրանական IRIB գործակալությունը։
«Րոպեներ առաջ ավարտվել է Իրանի և ԱՄՆ-ի միջև անուղղակի բանակցությունների երկրորդ փուլը, որի ընթացքում Իրանի և ԱՄՆ-ի պատվիրակություններն ավելի քան չորս ժամ բանակցություններ են անցկացրել Հռոմում Օմանի դիվանագիտական ​​հաստատություններից մեկում»,- հայտնում է ​​գործակալությունը:
Ինչպես հաղորդում է իրանական ​​Mehr գործակալությունը, բանակցությունները եղել են կառուցողական, և առաջիկա օրերին, ամենայն հավանականությամբ, երկու երկրների միջև նոր բանակցություններ տեղի կունենան։
Հիշեցնենք՝ ապրիլի12-ին Օմանում կայացել է Մերձավոր Արևելքի հարցերով ԱՄՆ հատուկ բանագնաց Սթիվ Ուիթքոֆի և Իրանի արտգործնախարար Աբբաս Արաղչիի անուղղակի բանակցությունների առաջին փուլը, որոնք, ըստ Ուիթքոֆի, եղել են դրական և կառուցողական։